S t y l i s s i m o

მგონი ზუსტად ის პერიოდია ამ პოსტს რომ მივუძღვნა, საქართველოში ივლისამდე “დაზაგვრაზე” ზედმეტია ლაპარაკი, საზღვარგარეთ კი ბატონო.

მაგრამ უმეტეს ჩვენგანს გვინდა ლამაზი რუჯი გაზაფხულზეც, სანამ მზის სხივები იზრუნებენ ამაზე, ამისათვის კი არსებობს სოლარიუმები და არსებობს ავტო რუჯები. მინდა გაგაცნოთ 8 საუკეთესო სელფტანერი, აქედან რამდენიმე თავად მოვსინჯე, რამდენიმე გუგლში ვიპოვე და გიზიარებთ:

1.  Michael Kors Leg Shine - თეთრი ფეხების კომპლექსი საკმაოდ ბევრ ქართველს გაგვაჩნია, მე პირადად არ მიყვარს “იუბკების” და კაბების ჩაცმა თეთრად მანათობელ ფეხებზე. არ მიყვარს და რა ვქნა. ხოდა კორსმა- იზრუნა ჩემნაირებზე და შექმნა ეს უმშვენიერესი ტანერი – ჯერ ერთი რომ ლამაზი ფერი აქვს და მერე აქვს ოდნავი ბლესკის ეფექტი, აი გარუჯულ მოდელებს რომ აქვთ ხოლმე პოსტერებზე და რეკლამებში ეგეთი.

2. Clarins Self Tanning Milk SPF 6 - 3 წლის წინ ვიყიდე ლუტეციაში – 58 ლარად, ვისმევდი გაზაფხულზე, მერე შემოდგომაზეც და მეორე გაზაფხულზეც მეყოფოდა მაგრამ მომბეზრდა. ცოტა სპეციფიკური სუნი აქვს, მაგრამ საოცრად ლამაზ ფერზე აყენებს.

3.  Clarins Radiance-Plus Self Tanning Cream-Gel – კლარინსიდან ამასაც გამოვარჩევდი, საერთოდ ამ ბრენდს საკმაოდ ბევრი კარგი პროდუქცია აქვს და განსაკუთრებით სელFტანერების ხაზი, ვენდობი ყველა მათგანს. არანაირი კანის აჭრელება და ასე შემდეგ სისულელეები არ გამოუწვევია, მთავარია კარგად შეიშროთ კანზე რომ ტანსაცმელზე არ გადავიდეს. ამ კონკრეტულ ტანერს აქვს ასევე დამატენიანებელი ეფექტი და ძალიან ბუნებრივი ფერი. არ გატალახიანდებით, პირიქით – ლამაზი მზედაკრულის ფერი აქვს.

4.Fusion Beauty GlowFusion Micro-Nutrient Face & Body Natural Protein Tan - საერთოდ სახის და ტანის ავტორუჯები ცალცალკეა, მაგრამ ეს კონკრეტული ტანერი გამოიყენება ორივე შემთხვევაში, თუ ფულის დაზოგვა გინდათ მაშინ ის გამოიწერეთ, ისმევა საკმაოდ ნაზად და არ აქვს მომაბეზრებელი სუნი, არ გადადის ტანსაცმელზე და არც ხელებზე. აქვს ლაითი და მედიუმ ვერსიები, იმის მიხედვით როგორი რუჯი გინდათ.

5. Guerlain’s Terracotta Self-Tanning Spray for the Body- ცოტა ძვირი სიამოვნებაა, მაგრამ ერთ- ერთი საუკეთესო სპრეი ტანერი არის დედამიწაზე, მალე შრება და არ გადადის ტანსაცმელზე. ფერი აქვს საუცხოო და გამორიცხულია რომ ის სასაცილო სიყვითლე გადეტყოთ რაც ზოგიერთ იაფიან ტანერს ახასიათებს. ფერი დროსთან ერთად უფრო მუქდება და შესაბამისად რაც მეტს და ხშირად წაისმევთ მით უფრო მუქი ფერი დაგედებათ. მე პირადად ძალიან მუქი რუჯი არ მიყვარს, “sun kissed”- რასაც ქვია – ის უფრო მომწონს. სუნი აქვს მაგრამ არც ისე მძაფრი და შემაწუხებელი

6. Neutrogena Sun Fresh Sunless Foam – ერთ ერთი ყველაზე მისაღებ ფასიანი ტანერი, 20$ –იც კი არ ღირს სხვადასხვა საიტებზე. აქვს რამდენიმე ფერი, იმის მიხედვით რამდენად მუქი რუჯი გჭირდებათ.

მაგრამ ფასის მიუხედავად ცუდი ნამდვილად არ არის, არ ტოვებს ზოლებს და რაღაც უაზრობებს კანზე და შრება ძალიან მალე

7. L’Oreal Sublime Glow for the Body - ესეც შედარებით არაძვირი ტანერია. ფერს წასმის მეხედვით იღებთ, რაც უფრო ხშირად წაისვამთ მით უფრო ინტენსიური ფერი გექნებათ. საკმაოდ თხელი ფენა უნდა წაისვათ. სუნი ამასაც აქვს მაგრამ ძალიან არ გაწუხებს. ამასაც აქვს ოდნავ ბზინვის ეფექტი და საკმაოდ ეკონომიური ტანერია

8. Laura Mercier Bronzing Gel for the Face – გამოიყენება მხოლოდ სახისათვის, სასურველია მის ქვეშ წაისვათ დამატენიანებელი კრემი. არ გამოირჩევა მუქი ფერით, ახალ მირებული რუჯის ეფექტი აქვს. კარგად ჯდება კანზე და საკმაოდ კარგი დამცავიცაა გარემოსგან

და ბოლოს ვიდეო, როგორ წავისვათ ტანერი ფეხებზე, არ ვიცი რისთვის გვჭირდება სხვების რჩევები, მაგრამ იყოს მაინც, იქნებ გამოგადგეთ

11 Responses to “8 საუკეთესო ავტორუჯი”