TFW Day 5 – wonderful surprise

თბილისის მოდის კვირეულის მეხუთე დღე იყო ყვლაზე დატვირთული სანახაობრივად, ჯერ ნიუქამერები ვარდების ბაღში და მერე ავთანდილის შოუ რიტუალების სასახლის ბაღში – რომლებსაც ვერ დავესწარი სამსახურის გამო.

საღამოს უკვე რამაზო რომა, არადა თეოს ჩვენებაზე მოვედი და რამაზოს ჩვენებამ 1 საათით დაიგვიანა და მომიწია მასზე დასწრებაც, თუმცა საერთოდ არ ვგეგმავდი და ვიკა წამოვიყვანე იმ იმედით, რომ მხოლოდ 1 ჩვენებაზე დასწრება არ მობეზრდებოდა.

თუმცა ჩემდა გასაკვირად, ამ გარემომ თვით ყველაზე მოუსვენარი გოგონაც კი მოხიბლა და გასუსული და პოდიუმთან ჩასკუპებული უდიდესი ინტერესით უყურებდა გოგონების გამოსვლას.

Tbilisi fashion week vikiko

  ეს იყო დღე, როცა ძალიან დიდი სიურპრიზი მელოდა თურმე. Continue reading

Georgian Fashion Week 2010

დაიწყო

საქართველოს მოდის კვირეული გაიხსნა

მე რა თქმა უნდა ისევ იმ აზრზე ვრჩები რაზეც წინა კვირეულის დროს ვიყავი, რა ჯანდაბაა ეს საქართველოს მოდის კვირეული და პლუს თბილისის მოდის კვირეული თან მეთქი. მაგრამ ვის აინტერესებს ჩემი აზრი 🙁

ორივე მოდის კვირეული დაარსდა და წარმატებით აგრძელებს მოღვაწეობას, ოქტომბერში საქართველო დამთავრდება, ნოემბერში თბილისი იქნება :D, მშვენიერია აწყობილი გვაქვს ცხოვრება. ამას ჯობდა ორივე ამ კვირეულის საორგანიზაციო კომიტეტები შეკრებილიყვნენ და ერთი გაეკეთებინათ და გრანდიოზული, მაგრამ რეავიცი …

საქართველოს მოდის კვირეული 22 ოქტომბერს მეტეხის ხიდზე გაიხსნა ავთანდილის ჩვენებით. ადგილი იყო იდეალურად შერჩეული თუ გავითვალისწინებთ ხედებს. მაგრამ მდინარის კალაპოტი მაინც თავისას შვებოდა და საკმაოდ ციოდა, მიუხედავად იმისა რომ ამავე დროს ქალაქში საკმაოდ თბილი საღამო იდგა და თან ქარი რომელიც მტკვრის ხეობაში ქროდა, ავთანდილის უნაზესი ქსოვილისგან შეკერილ კაბებს საკმაოს აფრიალებდა აქეთ – იქეთ. მიუხედავად ამისა საღამო იყო მშვენიერი.

ჩვენება რაღა თქმა უნდა ქართული პუნქტუალობით დაიწყო: 1 საათით გვიან, ამიტომ მე და სალომე ბარკერს, რომელიც ასევე მედიას წარმოადგენდა, უამრავი დრო გვქონდა გვეთვალიერებინა დამსწრე საზოგადოება, გვევლო ელექტრო სადენებისა და რკინის კონსტრუქციებს შორის, შეგვეჭყიტა ბექსტეიჯის იდუმალ სმყაროში, გაგვეცნო რამდენიმე დიზაინერი, სალის შესაძლებლობა მიეცა რადიო ფორტუნას  პირდაპირ ეთერში გასულიყო და გოლაც გაეყვანა, რომლის ჩვენებაც კვირას 3 საათზე გაიმართება.

გოლა მე დაახლოებით 2 კვირის წინ გავიცანი ჩემთან სამსახურში, როდესაც რაღაც წინადადება ჰქონდათ მას და თამარას. მე ძალიან მინდა მათ ჩვენებაზე წასვლა რადგან ვიცი რომ მათ აქვთ ჩვენებაში გამოყენებული ერთი ძალიან საინტერესო დეტალი, რომელსაც რა თქმა უნდა წინასწარ არ გავახმაურებ, მაგრამ თუ მოვხვდი მათ ჩვენებაზე( რადგან მაგ დღესვე რედისონში არქიტექტურულ პრემიაზე მივდივარ :()აუცილებლად გადავიღებ და განახებთ ამ დეტალებს, რომლის შესრულებაც მე თავად უზომოდ მაინტერესებს.

მოკლედ  უამრავი დრო გვქონდა საბოდიალოდ და დამსწრე საზოგადოებაზე დასაკვირვებლად, დამსწრე საზოგადოებას ჩაცმულობის მხრივ დავყოფდი სამ ნაწილად:

1. პირველი ნაწილი ეს ვართ ჩვეულებრივი მოკვდავნი, რომლებისთვისაც ჩვენება არის ხელოვნება და სიამოვნება და ამისთვის არ გვაქვს აუცილებლობის შეგრძნება რომ მივიდეთ მკერდმოშიშვლებულები და 13 სანტიმეტრიანი ქუსლებით.

2. მეორე ნაწილი ესაა საზოგადოება რომელიც თვლის რომ მოდის კვირეულზე აუცილებლად გაპრანჭული უნდა მიხვიდე, მაგრამ ამავე დროს ესენი არიან თავად უზომოდ გემოვნებიანი ადამიანები, აცვიათ ძალიან დახვეწილად, მაკიაჟი აქვთ ძალიან სადა, აქსესუარები ნაზი და მომხიბლავი და ქცევაც ყველაფერი ამის შესაბამისად ძალიან კორექტული და სასიამოვნო. ეს არის სწორედ გლამურის ნამდვილი მნიშვნელობა და ჩვენს ეს გლამური საბედნიეროდ გვყავს.

3. მესამე ნაწილი ესაა საზოგადოების ის ფენა, რომლებმაც გუშინ დილით გაიღვიძეს და ფართოდ გააღეს გარდერობის კარები, ჩაეწერნენ ყველაზე ძვირიან სალონებში და საღამოს ფეშენ ვიკზე მობრწყინდნენ, მაგრამ ვაი ამ მობრწყინებას. მათ გარდერობიდან აიღეს ყველაფერი რაცას ოდნავ ცნობადი ბრენდი მაინც ეწერა, ჩამოიცვეს, მიიმაგრეს, მიიწებეს, დაიჭირეს, ამოიცვეს ეს ყველაფერი და მერე რა რომ “პუგალო აგაროდნოე”-ს დაემსგავსნენ, სამაგიეროდ მინიმუმ 7 ბრენდი ხომ ფიგურირებდა მათ ტანზე.  ხოდა ბრენდშემოსილნი გაეშურნენ სალონებში და აპრიალდნენ, ოოოო როგორ აპრიალდნენ ეგ უნდა გენახათ.  მოკლედ ძალიან თამამი ადამიანი უნდა იყო მათი გადაკოცნა რომ გარისკო, ჯერ ერთი იმიტომ რომ “როგორ უბედავ” ეს მაკიაჟი ხომ მინიმუმ 100 ლარი ღირს. და თუ მაინცდამაინც თამამი და გაბედული ადამიანი ხარ არანაკლებ დარტანიანისა და შეჰბედავ მათ ამბორს, აი მანდ უკვე შენ თავს დააბრალე, ისე მიეწებება შენი ტუჩები მათ პრიალა ლოყებს…

კარგით, მოვრჩეთ ეხლა ამ კატეგორიებზე და დავუბრუნდეთ ჩვენების წინა პერიოდს. XL-მა როდის მერე შეიცვალა პოზიციონირება და FASHION WEEK-ებზე დასალევი სასმელი როდის მერე გახდა მე არ ვიცი, მე პირადად მშვენივრად ვისიამოვნე რომ არა უკულტურო და ამაზრზენი ხალხი, რომლებიც ცარიელ ქილებს პირდაპირ დაბლა ყრიდნენ 🙁

არ გცხვენიათ? მტკვარი კი აქციეს გარკვეულმა ადამიანებმა კანალიზაციის ჭად მაგრამ ეს იმას კი არ ნიშნავს რომ მტკვარზე გადებული ხიდები ნაგვის ურნებია 🙁 … ჩემო კარგებო გუჩი, შანელი და ფენდი არ გაძლევთ თქვენ იმის უფლებას რომ იქსელის ქილები აქეთ იქეთ იქნიოთ, კულტურა ადამიანის შიგნით არსებობს და ვივიენ ვესტვუდის სამოსი მას თქვენში ვერ შეიყვანს, ეს არ არის ბაქტერია და კანთან შეხების შედეგად ის არ ვრცელდება ორგნიზმში.

გმადლობთ ყურადღებისათვის, ავთანდილზე ცალკე პოსტს დავწერ ყველა ვიდეო რომ აიტვირთება …