Galvanic Spa II System – გამოვცადე

NU SKIN – Galvanic Spa II System – არის სახის საწმენდი აპარატი, რომელმაც უკვე თითქმის წელიწადია წალეკა ინტერნეტი, ის რეკლამდებოდა ყველა “ბიუთი” ბლოგზე, ყველა თავის მოვლის საშუალებების საიტზე და კიდევ უამრავ სხვა ვებ გვერდზე, სიმართლე გითხრათ თვალში მეჩხირებოდა ხოლმე ყველგან …

ერთ დღესაც უბრალოდ დავინტერესდი და გადავიკითხე, ეს არის პატარა აპარატი, რომელიც მუშაობს ფიზიკის რომელიღაც კანონის მიხედვით. მას გააჩნია უამრავი პირი, რომლებიც იცვლება იმის მიხედვით თუ რისი გაკეთება გინდა:

1. სახის კანის ღრმა გაწმენდა და ვიტამინების შეყვანა

2. მეზოთერაპია – უკვე არსებული ნაოჭების დაგატკეცა

3. ანტიცელულიტური სამასაჟე კრემი, რომელიც ინტერნეტში საოცრად ეფექტურად ითვლება

4. თმის მოვლის საშუალება, სპეციალური პირების მეშვეობით თმის ძირებში რაღაც დანამატების შეყვანა.

ეს არის პატარა აპარატი, თუმცა საკმაოდ ძვირი სიამოვნება, რომელიც ევროპასა და ამერიკაში ძალიან ბევრ ქალს აქვს სახლში და სალონში არ დადიან ამ პროცედურების ჩასატარებლად. საოცარია- მეც მინდა ჩემი გალვანიკ სპა მქონდეს სახლში 🙁 , მაგრამ აპარატზე უფრო ძვირი ჯდება მისი კაფსულები, ვიტანიმებით და გამსმენდი საშუალებებით გაჯერებული ნივთიერებები, რომლებიც ღრმად შედის კანში, ასუფთავებს და წმენდს მას.

რამდენიმე დღის წინ, ეს აპარატი გამოჩნდა თბილისში, ჰეარჰაუსის კოსმეტოლოგმა ხათუნამ იყიდა ის, გაიარა ტრენინგები მის გამოყენებაზე და აპირებს ამ აპარატით სახის გაწმენდისა და მეზოთერაპიის სერვისები ჰეარჰაუსის კლიენტებს შესთავაზოს.

მე რომ მომიყვა რომ ეს აპარატი ჩამოჰქონდა, იმ წუთასვე ვთხოვე რიგში ჩამაყენე მეთქი. მოკლედ კვირას მოვიდა ის სანატრელი ჩემი რიგის დღეც და წავედი ხათოსთან სახის გასაწმენდად.

სრული კურსი 6 – 8 პროცედურას მოიცავს, თითო პროცედურა დაახლოებით 1 საათს გრძელდება და შედეგი აქვს მხოლოდ რამდენიმე გაწმენდის სემდეგ, რადგან ამ აპარატის მთავარი დანიშნულება ღრმა წმენდაა და კანის უჯრედებიდან ტოქსინების გამოდევნა.

ჯერ დემაკიაჟი გამიკეთა, მერე მსუბუქი პილინგი და აპარატის დროც მოვიდა.

სახის გაწმენდისას 2 ცალ კაფსულას იყენებენ, ერთი არის გამწმენდი – თეთრი, მეორე ვიტამინების შემყვანი -მწვანე

პროცესი არის აბსოლუტურად უმტკივნეულო, სასიამოვნო და გამაახალგაზრდავებელი ეფექტიტაც კი.

თეთრი კაფსულის შიგთავსს გისვამენ და გინაწილებენ მთელს სახეზე, შემდეგ ამ აპარატის სპეციალური პირის მეშვეობით, რაღაცნაირად სახეზე გადატარებით მასაჟებივით ეს გელი იწოვება კანში ღრმად და იწყებს ფორების გახსნას და ტოქსინებისა და ჭუჭყის გამოდევნას, რამდენიმე ხანი ეს პროცესი გრძელდება. შემდეგ სახეს გიწმენდენ და გელს გაშორებენ …

მომდევნო პროცესი არის მწვანე კაფსულის ჯადოსნური შიგთავსი, შემდეგ მას გისვამენ კანზე და ანალოგიურად აპარატის მეშვეობით ის შედის კანში და კვებავს მას და ატენიანებს.

მე მხოლოდ გაწმენდა გამოვცადე ჩემს თავზე, ცელულიტის პროცედურა არ მჭირდება, ნაოჭებიც ჯერ საბედნიეროდ არ მაქვს და როგორც კი ოდნავ გამოყოფენ თავს მაშინვე მივმართავ, და სიამოვნებით ჩავიტარებდი თმის მოვლის კურსს, მაგრამ ჯერ ეს დნამატი ამ აპარატისათვის ხათოს არ აქვს

მე მინდა გაჩვენოთ ვიდეო, უფრო კარგი წარმოდგენა რომ შეგექმნათ თუ როგორ ხდება ეს ყველაფერი. აპარატის ეს პირი რაც ვიდეოში არის გამოყენებული არის სავარაუდოდ ნაოჭების, მე ეგეთი პირით არ გამიკეთებია, ის სხვანაირი იყო

პროცედურის დასრულებიდან 20 წუთის შემდეგ, როცა ეს ყველაფერი გაშრა და კანიც დაუბრუნდა საწყის მდგომარეობას, შედეგიც შევამოწმე …

კანი იყო საოცრად დანოტივებული და ბავშვის კანივით ნაზი …

ეს ერთი გაკეთებით და ჩემი კანის სრული მოვლისათვის კიდევ 5 პროცედურა მჭირდება, რადგან არ მაქვს პრობლემური კანი.

სიამოვნებით ვიქონიებდი ამ აპარატს სახლში და ჩავიტარებდი ხოლმე სპა პროცედურებს სახლში.

თუ უფრო დაწვრილებით დაინტერესდებით, აქვე დასვით შეკითხვები ან დაურეკეთ ხათოს ჰეარჰაუსში 477 569

ფასი- 1 პროცედურის არის 70 ლარი …