ერთ სრულიად ჩვეულებრივ სამუშაო დღეს, ჩემს კომპიუტერთან კლავიატურას მშვიდად ვუკაკუნებდი, როდესაც ასევე ჩვეულ ხმაზე გაისმა სატელეფონო ზარი ჩემი ტელეფონიდან.

ზარი, რომელმაც მომდევნო 1 თვის განმავლობაში ჩემი ცხოვრება სრულიად განსხვავებულ და საოცარ თავგადასავლად აქცია.

ლევან გიორგაძე (teatri.ge-ს დამფუძნებელი და eastern promotion-ის მედია კოორდინატორი) მიკავშირდებოდა შემოთავაზებით :

ალბათ, ცხოვრებაში, ერთხელ მაინც, ყველა ჩვენთაგანს უოცნებია თეატრის სცენაზე დამდგარიყო და ერთ ჩვეულებრივ სპექტაკლში, ერთი ჩვეულებრივი როლი ეთამაშა…, ბოლოს „პაკლონზე“ გამოსულიყო და მაყურებლის „ბრავო“ და აპლოდისმენტები მოესმინა – და ამას მოჰყვა მთელი 5 წუთიანი ტექსტი და მეც ჰიპნოზირებული დავთანხმდი ამ საოცარ წამოწყებაში მონაწილეობაზედ.

ლევანი ჩვენი სპექტაკლის პროდუსერია, ადამიანი რომელმაც უზომო ენერგია, ნერვები და დრო ჩადო ამ პროექტში. ადამიანი რომელსაც ყოველდღიურად უწევს გამკლავება 14 ყველაზე დაკავებულ ადამიანთან.

პირველივე შეხვედრა რაღაცნაირად მაგიური იყო, ილიას უნივერსიტეტში მისულებს, უზარმაზარ მაგიდასთან ახალი ადამიანებთან მათ შორის  ჩვენი სპექტაკლის უნიჭიერეს სცენარისტთან და რეჟისორთან გველოდა შეხვედრა და გასაუბრება.

ალექსანდრე ლორთქიფანიძე,

ადამიანი რომელმაც შექმნა პიესა “PRოცესი”. გვესაუბრა სათითაოდ ყველა 14 “მსახიობს” და შემდეგ შეეცადა მაქსიმალურად საინტერესო როლები მოერგო ჩვენთვის.

 

გოგა მაისურაძე,

სპექტაკლის რეჟისორი, ასევე გმირობის ტოლფასი გამძლეობისა და ნერვების პატრონი.

ადამიანი, რომლისგანაც ვისწავლეთ ისეთი სიტყვები როგორებიცაა: სარჩული და “ნაიგრიში” 😀 😀 😀

ადამიანი რომელიც საოცარი მოთმინებითა და ნებისყოფით უყურებს თითოეული ჩვენთაგანის “ტანჯვა-წამებას” და რა თქმა უნდა სვლას ვარსკვლავური სცენისკენ 🙂

***********

პიესის შინაარსი დაახლოებით ასე გამოიყურება: ერთ ერთი უდიდესი და საყოველთაოდ ცნობილი კომპანია აცხადებს ვაკანსიას და მსურველები იბრძვიან გამარჯვებისთვის. გასაუბრება არის არასტანდარტული და სწორედ აქ ვითარდება მთავარი მოვლენები. გარდა ამისა, თითოეულ მონაწილეს აქვს სიურპრიზი მაყურებლისთვის, რომელსაც პრემიერამდე არ გავამხელთ. თუმცა, დამერწმუნეთ, ეს იქნება ერთ-ერთი ყველაზე საინტერესო მოვლენა ამ პიესაში.

რეპეტიციები მიმდინარეობს კვირაში სამჯერ, ილიას უნივერსიტეტში, საღამოს 19:30-დან 22:00 საათამდე.

პიესა დაყოფილია 3 სცენად და სამივე სცენაში არის 5-5 ადამიანი და ჯერჯერობით ვრეპეტიციობთ ცალცალკე.

მინდა გაგაცნოთ ის არაჩვეულებრივი ადამიანები, რომლითაც არის დაკომპლექტებული მსოფლიოში ერთ ერთი ყველაზე გამორჩეული დასი 🙂

სცენა პირველი: მაკუნა გამცემლიძე, ბახვა ბრეგვაძე, სოფო ხაჭაპურიძე, ნიკა წულუკიძე, თიკო კეკუა

სცენა მეორე: ზურა ბალანჩივაძე, ჯაბა სიხარულიძე, ვიკა ბუკია, ნოკა ბაინდურაშვილი და ნუკა ლეჟავა

სცენა მესამე: თათა მორჩილაძე, ლევან გიორგაძე, ლალი გალუმაშვილი, ლევან როსტოშვილი

  ალბათ პოსტის ბოლოსკენ დარწმუნდით როგორ საოცარ ხალხთან მაქვს ურთიერთობა ყოველკვირეულად.

  14 ყველაზე დაკავებული ადამიანი, რომლების სამუშაომ არ იცის სეზონი და არასეზონი, ჩვენთვის სულ “საგიჟეთია” და მიუხედევად ამისა მაინც ყველანი ყოველთვის ვესწრებით რეპეტიციებს და ვისმენთ შენიშვნებს თუ კომპლიმენტებს.

  პირველი დახურული ჩვენება სპექტაკლისა 10 ივლისს გაიმართება ილიაუნის თეატრში და დასწრება მხოლოდ მოსაწვევებითაა შესაძლებელი.

 აი შემდეგ კი უკვე სექტემბერი ოქტომბრიდან ვაპირებთ სპექტაკლის უფრო დიდ სცენაზე დადგმას, სადაც ყველა ადამიანს შეეძლება მოსვლა და ბილეთის შეძენა და რაც მთავარია ეს სპექტაკლები იქნება საქველმოქმედო ხასიათის . . .

და ბოლოს

რა შუაშია თორნიკე გურული?

ამას მხოლოდ სპექტაკლზე შეიტყობთ :)))))))

 

Comments

comments