9 საათზე გონდოლაში ვიჯექით მივქროდით სასტუმროსკენ, გზას უნდა 10 წუთი.
ზუსტად 50 წუთი გვქონდა რომ გვევახშმა, გამოგვეცვალა და 10 საათზე ისევ გონდოლასთან შევკრებილიყავით რათა ჰაბაკუკში დავბრუნებულიყავით და საღამოს წვეულებას დავსწრებოდით.
საღამოს გათვალისწინებული იყო: სერბული ღვინის დეგუსტაცია, 2 სერბიდიზაინერის 
ტანსაცმლის ჩვენება და ღამის წვეულება ტერასაზე და სასტუმროს კლუბში, სადაც ადგილობრივი გოგონა დიჯეების ჯგუფი Panic Girl დაუკრავდნენ.
რა სისწრაფით ვივახშმეთ და გამოვიცვალეთ არ მახსოვს, მაგრამ 10 საათზე ნამდვილად ვიყავით გონდოლასთან და დავეშვით ჰაბაკუკისკენ.
გზაზე სასტუმროსკენ 2 არაჩვეულებრივი ავსტრიელი გოგონა გავიცანით ტიმა და სარა, რომლებსაც ასევე არაჩვეულებრივი ბლოგი აქვთ, გირჩევდით ეწვიოთ და დაათვალიეროთ. http://thecosmopolitas.com/
ღვინის დეგუსტაციამ ნორმალურად ჩაიარა, ვარდისფერი ღვინო იყო ნამდვილად შესანიშნავი, რასაც ვერ ვიტყოდით თეთრზე, რომელიც აღმოჩნდა საკმაოდ მწარე და ჩვენთვის ოდნავ უჩვეულო გემო ჰქონდა.
შემდეგ შეგვიყვანეს ბექსთეიჯში და მალევე დაიწყო ჩვენებებიც
სნეჟანა დაკიჩის კოლექციის სურათებს არც დავდებ იმდენად შორს იყო მოდასთან და ყველანაირ თანამედროვე სამოსთან.
არც მეორე ტიპი ბრწყინავდა, მაგრამ არაჩვეულებრივი შოუ აჩვენა ნახევრად შიშველი გოგონების, უსიმპათიურესი მოდელი ბიჭებისა და ძალიან მაგარი მუსიკის მეშვეობით
ჩვენების მერე უცებ აალაგეს ყველაფერი დარბაზში, ჩვენ დროებით ტერასაზე გადავნაცვლეთ და ბარიც გაიხსნა და ღამის 2 საათამდე (როცა ჩვენ წამოვედით) მიდიოდა დალევა და გუგუნი
