Tata Naka – უნიჭიერესი ქართველი დების თამარა და ნატაშა სურგულაძეების დიზაინერული დუეტია. სხვათა შორის გოგონები ტყუპები არიან 🙂
საქართველოდან 1996 წელს გაემგზავრნენ და სწავლა ლონდონში სან–მარტინის კოლეჯში განაგრძეს.
გოგონები დღემდე ლონდონში მოღვაწეობენ და თანაც უდიდესი წარმატებით რაც მე პირადა ძალიან მახარებს, რადგან ზოგადად ყველა ქართველის ასეთი საერთაშორისო აღიარება და წარმატება მახარებს ხოლმე.
David Koma – დავით კომახიძე, ქართველი დიზაინერი, რომლის სახელი რამდენიმე წელია უკვე მთელი მსოფლიოს მასშტაბით ცნობილია, ლონდონში მოღვაწეობს და თანაც ძალიან წარმატებულად. მისი ბრენდის მმართველი მენეჯერი ამ ეტაპზე არის დევიდის რუსი მეუღლე საშა, რომელიც უნდა ავღნიშნოდ რომ ძალიან კარგად ართმევს დავალებას თავს.
2013 წლის დეკემბერში მოდის სახლმა (ტერი მიუგლერ) Thierry Mugler დევიდ კომა ახალ სამხატვრო დირექტორად დანიშნა.
ლონდონის მოდის კვირეულზე მისი კოლექცია ისევ David Koma-ს სახელით გამოჩნდა, თუმცა მე პირადად დიდი ინტერესით ველოდები როგორი იქნება მიუგლერისა და კომას კოლაბორაცია.
ეს ის პოსტია წინასწარ რომ ვიცი ხოლმე, რომ უამრავი ნახვა ექნება, რადგან არ მეგულება ჩემს ნაცნობებში ადამიანი (ქალი), რომელსაც Dolce & Gabbana-ს მომდევნო კოლექცია არ აინტერესებდეს.
წინა კოლექციების მაგვარი რომანტიული კოლექციაა ესეც, აი სიამოვებით რომ სქროლავ და ათვალიერებ, ყავასაც რომ მოიდგამ გვერდით და სასიამოვნო მუსიკასაც რომ ჩართავ, მერე წარმოიდგენ:
Once upon a time in Sicily და შენს თვალწინ იშლება ორი გენიოსის მიერ შექმნილი ზღაპრული სამყარო!!!
ნამდვილად, ეს კოლექცია ზღაპრის სამყაროს შესახევბ მოგვითხრობს, უღრან ტყეებზე, ტყეში ჩასაფრებულ ყაჩაღებზე და მათი მეთაურის ქალიშვილზე, ელფებზე და ზღაპრულ ცხოველებზე, გერდას მოგზაურობაზე კაის მოსაძებნად, ალისაზე საოცრებათა ქვეყანაში, ზღაპრული ტყეების უდუმალებასა და მათ საოცრებაზე – არ შეიძლება ერთი შეხედვით არ შეგიყვარდეს ეს კოლექცია.
Badgley Mischka დიზაინერთა დუეტია Mark Badgley და James Mischka , რომლებიც 1988 წლიდან აქტიურად მოღვაწეობენ შეერთებული შტატების ბაზარზე.
დუეტი ძალიან მალე გახდა პოპულარული და მოიპოვეს ვოგისგან შეფასება “one of Top 10 American Designers”.
Badgley Mischka- ს უნიჭიერესმა დუეტმა თავიდანვე განსაზღვრა თავიანთი მიმართულების ესთეტიკა
“Our style harks back to the glamorous Hollywood of the Forties. The Badgley Mischka signature style is simple, streamlined and thoroughly elegant.”
2014 წლის შემოდგომა/ ზამთრის კოლექციასაც 40-50-იანი წლების გლამურული შტრიხები გასდევს და ნაწილობრივ ინსპირირებულია მხატვარი გუსტავ კლიმტისა და არქიტექტორი ჯოზეფ ჰოფმანის მიერ.
კაბების ქსოვილები სპეციალურ ოქროს ხსნარშია ამოვლებული, რატა მათ ნამდვილი ოქროსავით ეკაშკაშათ პოდიუმზე, სწორედ ეს იყო გუსტავ კლიმტის გავლენა ამ კოლექციაზე – ოქროს თბილი, მდიდრული და თვალწარმტაცი კაშკაში რაც ნებისმიერ მნახველს მოსტაცებს თვალს.
