ბოულინგ ცენტრალში ბოულინგის ლიგა შეიქმნა !!!

გილოცავთ ყველა ლიგის წევრს, ახალი ეტაპი იწყება მათთვის ვისაც მართლა გულით უყვარს ბოულინგი …

პრეზიდენტების თამაშია ფაქტიურად 🙂

ლიგის ცხოვრებაზე,  წარმატებებზე და ჩემპიონატებზე ჩემს ბლოგზე ამის შემდეგ ხშირად ნახავთ, რადგან მათი ოფიციალური საინფორმაციო მხარდამჭერი გავხდი საკუთარი სურვილით.

ლიგის ჩამოყალიბება მოხდა კვირას, მცირე ჩემპიონატის ფონზე, ლიგაში გაწევრიანდა 30 მოთამაშე, მათ შორის სამი გოგო ვართ: მე , ხატია – ჩემი და და ნინო.

ძალიან საინტერესო და სასიამოვნო დღე იყო, თავიდან ყველანი შევგროვდით, ასე თუ ისე გავიცანით ერთმანეთი, გაგვაცნეს პირველი ეტაპის თამაშის წესები და დავიწყეთ თამაში. ჩემს გუნდში 5 ვიყავით, რა თქმა უნდა ბოლო ადგილზე გავედი, მაგრამ ისეთი თანაშები ვნახე რომ ურალოდ ბედნიერიც კი ვიყავი რომ მე მანდ გამოვედი.

თანაც ჩვენ ხომ ყველაზე მაგარი გულშემატკივარი გვყავდა 🙂

პირველი ეტაპი დასრულდა, აარჩიეს ყველაზე მაღალქულიანი მოთამაშეები და აით შეიქმნა ნახევარფინალური ათეული, მერე ნინოც დაამატეს როგორც უმაღლესი ქულების მქონდე მანდილოსანი და დაიწყეს ბილიკების მომზადება ნახევარ ფინალისათვის. ჩვენგან დიმა და დათო (ჩემი სიძე) გავიდნენ და ჩვენ იქვე ვიდექით და ვგულშემატკივრობდით მთელი შემართებით და საოცრად აჟიტირებულები. დიმა შეხვდა პატარა ბიჭს ლევანს, ვიდეოს ნახავთ ალბათ, საოცარი თამაში იყო, ბავშვმა ისეთები ჩაატარა ვცქმუტავდით მოულოდნელობისაგან.

დიმა ნახევარფინალში, ძალიან კარგად ითამაშა, მაგრამ ინერვიულა როგორც ყოველთვის, ვერ გამოვასწორე ეს ბიჭი რააააააააა 😀 😀 😀 😀 😀

ფინალში საუკეთესო მაჩვენებლებით გავიდნენ ლევანი, რომელმაც დიმა დაამარცხა, მეორე დიმა რომელიც იღებდა მონაწილეობას და ჯემა – რომელიღაც შუააზიის ქვეყნიდან სტუმარი, რომელიც სასწაულებს ატარებდა ბილიკზე.

ფინალიც იყო საკმაოდ დაძაბული, ჩვენ ყველანი ლევანს ვგულშემატკივრობდით, რომელიც მეორე ადგილზე გავიდა საბოლოოდ, პირველი ადგილი ჯამამ აიღო და მესამე კი დიმამ. მერე ჩატარდა დაჯილდოება და საჩუქრები დაგაეცათ გამარჯვებულებს.

ხოლო ამის შემდეგ იყო ყველაზე საინტერესო ნაწილი, როდესაც გამოგვიცხადეს რომ ეს არ იყო ერთჯერადი და ერთდღიანი ღონისძიება, რომ დღეიდან ყველანი ბოულინგის ლიგის წევრები ვართ და რომ გარკვეული პრივილეგიებით და შეღავათებით ვისარგებლებდით ბოულინგ ცენტრალში. ჩვენთვის დაწესდა სავარჯიშო ტარიფები ბოულინგზე- 14 ლარი 1 საათი, უუუუუუმაგრესია, უმაგრესიი. გარდა ამისა მომავალში კიდევ იქნება სხვადასხვა ღონისძიებები და შეჯიბრებები რაშიც უნდა მივიღოთ აუცილებლად მონაწილეობა…

სახლში წამოვედით ძალიან დაღლილები, დადებითი ენერგიით აღვსილები და სპორტული განწყობით, რაც შეიძლება მალე დავბრუნებულიყავით ისევ სათამაშოდ. იქ ისეთი თამაშები გვაჩვენეს ბიჭებმა, რომ აზარტში შევედით ყველანი.

მოკლედ ესეც ასე, ყველა მომდევნო სიახლეს ნახავთ ჩემს ბლოგზე

ლიგა სრულად

გამარჯვებული ჯემა

მზადება ნახევარფინალისათვის

ყველაზე ტკბილი გულშემატკივარი

Go Taa goooooooo 😀 😀 😀 😀 😀

თამაშის მსვლელობა

დიდი ხანია მინდა რამე საინტერესო და აქტიური შიდაკორპორატიული ღონისძიების ჩატარება …

არ მინდოდა ეს ყოფილიყო წვეულება, რადგან ნებისმიერი წვეულება თითქმის ყოველთვის ქართულ ქეიფში გადაიზრდება ხოლმე პირამდე გადავსებული ღვინის ჭიქებით და სადღეგრძელოებით, რაც საოცრად მთრგუნავს, არ მიყვარს სუფრასთან ჯდომა და თამადის მორჩილებაში ყოფნა, არ მიყვარს საჭმელ სასმელით დახუნძლული მაგიდები და რამდენიმე ჭიქის მერე აურზაურში გადასული სიყვარულის მტკიცებები, არ მიყვარს რესტორნები …

არც ექსკურსია მინდოდა, ექსკურსიებზე ისედაც დავდივართ ხოლმე თანამშრომლები და განრიგი აქაც უცვლელია ძირითადად, გინდა – არ გინდა რამე ღირსშესანიშნაობის დათვალიერება, გზით დაღლილი და მოშიებული ხალხი, ერთი სული რომ აქვთ ეს პირველი „კულტურული“ ნაწილი მალე დასრულდეს და დაიწყოს მეორე ნაწილი სახელწოდებით „აბა ბოცას მოვხსნათ თავი“ :დ

საქართველოში ასეა და რა ვქნა, მე კი არ ვიგონებ 🙁 🙁

ძალიან მომწონს პიკნიკები, თბილ ამინდში სადმე ბუნების წიაღში გასვლა ოჯახურად, მოლზე წამოწოლილი დასვენებებით, თბილი საუბრებით ან პირიქით ამა თუ იმ აქტუალური საკითხების გააფთრებული განხილვებით, სადაც ახალგაზრდობა ბადმინტონს ან ფეხბურთს თამაშობს, სახელდახელოდ მოწყობილ მოედნებზე, სადაც ქალბატონებს თერმოსით ყავა ან ჩაი წამოუღიათ, სადაც მამაკაცები, ცეცხლს აჩაღებენ რათა მწვადი შეწვან და გემრიელი, ოჯახებიდან წამოღებული ხაჭაპურები გაათბონ. ან ნარდს თამაშობენ სადმე ჩრდილში აზარტული წამოძახილებით, სადაც მხოლოდ რამდენიმე ბოთლი წითელი გემრიელი საფერავი ან მუკუზანი ცივდება წყაროში და სადილის დროს ელოდება, რათა დაატკბოს და არა დაათროს მსმელი.

ესეთი პიკნიკი მეიდეალურება, საინტერესო და სასიამოვნო განტვირთვა და დასვენება ბუნების წიაღში …

მაგრამ ამჯერად ამინდებმა არ შემიწყო ხელი

მერე ფიქრების მიმართულება შევცვალე და  სპორტული ღონისძიების ორგანიზებისკენ გადავერთე –  ბილიარდის ტურნირის იდეაც მაშინ დამებადა, დავრეკე თბილისის ქსელის ყველა მაღაზიაში, გასარკვევად თუ რამდენად ექნებოდა დაინტერესება ამ ტურნირს და რადგან სასურველი პასუხები მივიღე, შევუდექი სავარაუდო ადგილების ძებნას…

პირველივე რაც მომივიდა თავში იყო ბოულინგ ცენტრალის საბილიარდო, 2 დღეში ჟურნალ „ფოკუსის“ მიერ ორგანიზებულ შეხვედრაზე მაკო გავიცანი, ბოულინგ ცენტრალის მმართველი დირექტორი და რადგან იქ არ მოგვეცა საშუალება საუბრისა, სავიზიტო ბარათი გამოვართვი მოგვიანებით შეგეხმიანებითქო..

მეორე თუ მესამე დღესვე დავურეკე და ვაცნობე რომ გვინდა „ახალი ნათების“ შიდა ჩემპიონატის ჩატარება ბილიარდში. მაკო ძალიან თბილად, ყურადღებით და ჩვეული პროფესიონალიზმით მოეკიდა ამ წინადადებას, ზუსტად 3 დღეში, მას შემდეგ რაც გავარკვიე ჩვენი კომპანიიდან თამაშის მსურველთა ზუსტი სია, უკვე შევთანხმდით თითოეულ დეტალზე და ტურნირის დღეც დაინიშნა 8 ოქტომბერი საღამოს 8 საათი.

უდიდესი მადლობა მინდა გადავუხადო მაკოს პერსონალურად და ბოულინგ ცენტრალის მთელ სტაფს, რომლებიც ღამის 2ის ნახევრამდე საოცარი მოთმინებით და ღიმილით გვემსახურებოდნენ. საუცხოო კომფორტი მოგვიწყვეს, საბილიარდო დახურული იყო ჩვენთვის, მაგიდები და სავარძლები მომარაგებული, ბარი და მიმტანები მობილიზებული, გვემსახურებოდნენ უსაყვარლესი და ძალიან კეთილი მსაჯები, და ბოლოს სიურპრიზი, პირველ ადგილზე გასული ბოულინგ ცენტრალმაც დააჯილდოვა 1 საათიანი უფასო ბოულინგის ბარათით, 1 საათიანი უფასო ბილიარდის ბარათით და სასმელით, რომელიც დარწმუნებული ვარ იქვე გაიხსნებოდა და დაილეოდა გამარჯვების აღნიშვნის მიზნით – რომ არა ღამის 2ის ნახევარი და რომ არა მომდევნო სამუშაო დღე.

საბილიარდო ძალიან მყუდროდ იყო მოწყობილი, ახალი ნათების ბანერებიც შევიტანეთ და დავდგით, გვემსახურებოდა 2 ფოტოგრაფი, ერთი ბოულინგ ცენტრალის, ერთი ახალი ნათების. მოთამაშეები იყვნენ 14 ადამიანი.

თამაში მიდიოდა 4 მაგიდაზე და 4 მსაჯი გვემსახურებოდა, რომლებმაც დაგვიხაზეს თამაშის გეგმა, ჩაგვიტარეს კენჭისყრა და საკმაოდ პროფესიონალურად და დაუღალავად იმსაჯეს ბოლომდე.

პარალელურად დიდ ეკრანზე ჩართული იყო ფეხბურთის მატჩი, საქართველო – მალტის თამაში და წაგებულები და ხანდახან გულშემატკივრებიც აქტიურად ერთვებოდნენ ფეხბურთისკენ…

ტურნირი გაგრძელდა 5 საათი და 20 წუთი, მოთამაშეები მართალია ძალიან დაიღალნენ, მაგრამ  ნახევარფინალმა და ფინალმა მაინც გამოაფხიზლა ყველა.

ნახევარფინალში ერთმანეთს შეხვდნენ:

კახა აბუაშვილი (ცენტრალური მაღაზია – სალონის  კონსულტანტი) და ირაკლი გაბინაშვილი (შესყიდვების მენეჯერი) – გაიმარჯვა კახამ

ვაჟიკო ხარაბაძე (ცენტრალურიმაღაზია – სალონის  კონსულტანტი) და გიორგი ჩალაძე (დიდუბის მაღაზიის კონსულტანტი) გაიმარჯვა ვაჟიკომ.

ფინალი ითამაშეს ვაჟიკომ და კახამ და ვაჟიკომ გაიმარჯვა ანგარიშით 3:2, საკმაოდ საინტერესო და დაძაბული თამაში იყო …

გამარჯვებულს ახალი ნათების დირექტორისგან გადაეცა ახალი ნათების საიუბილეო კედლის საათი, ლედ ამონათებით.

საღამო გამოვიდა ძალიან სასიამოვნო, საინტერესო, აქტიური და თბილი …

ჩვენ კიდევ 2 შიდა ტურნირს ვგეგმავთ, ზამთრის და გაზაფხულის სეზონებზე და შემდეგ გვინდა უკვე სხვა კომპანიები გამოვიწვიოთ „კომპანიებსშორის ტურნირების“ ჩასატარებლად …

ველით გამოხმაურებებს 🙂