როგორც ყველაფერი კარგი, ეს მოგზაურობაც დასასრულს მიუახლოვდა. ძალიან გულდაწყვეტილმა გავიღვიძე დილით რადგან ვიცოდი რომ ამ ღამით ვტოვებდი ემირატებს. სწორედ ამიტომ, წინასწარ ძალიან ,ძალიან საინტერესოდ დავგეგმეთ ეს დღე რომ მაქსიმალურად ყველაფერი გვენახა და დაღლილები და კმაყოფილები წამოვსულიყავით.

მაშ ასე: დილა დაიწყო 08:30-ზე, მაღვიძარამ გამაღვიძა, მოვსწერიგდით და ჩავედით სასაუზმოდ. საუზმის შემდეგ საბოლოო გადაკონტროლება გავაკეთე ჩალაგებული ბარგის, ღამე ჩასაცმელები ცალკე ჩავდეთ, რადგან აეროპორტში წასვლამდე თბილად უნდა ჩაგვეცვა, თბილისში ხომ ციოდა. ჩანთები ჩავკეტეთ, ლეპტოპები და მსგავსი ტიპის ნივთები ერთად ჩავაწყვეთ და სეიფში შევანახინეთ ადმინისტრაციას, რადან საღამოს 11 საათზე ისევ სასტუმროში უნდა დავბრუნებულიყავით საიდანაც ტრანსფერი გვქონდა აეროპორტში.

11 საათზე ჩექაუთი გავაკეთეთ და წავედით ბოლო დღისგან მაქსიმალური სიამოვნების მისაღებად:

პირველი სადაც წავედით იყო ე.წ. Golden Souk – ოქროს ბაზრობა, რომელიც ძალიან დიდ ტეროტორიაზე არის გადაჭიმული და უამრავი მცირე ფარდულისგან, პატარა მაღაზიისაგან და დიდი სავაჭრო ცენტრებისაგან შედგება

ოქროს ყელსაბამი, 10 580$-ის ღირებულების  :დ :დ :დ

დუბაის ამ ძველ ნაწილში არ ვიყავით ნამყოფები და ამიტომ დაახლოებით 40 წუთი, ოქროს ბაზრობის შემდეგ ფეხით ვიბოდიალეთ, რომ შედარებით ძველი დუბაის სუნთქვაც შეგვეგრძნო. აქვე არის ზღვაც და აეროპორტიც ახლოა რადგან ლამის თავზე დაგვფრინავდნენ თვითმფრინავები

შემდეგ წავედით ბურჯ ხალიფასკენ, მართალია მასზე ასვლა ჯერ ადრე იყო, ბილეთები 3-ის ნახერაზე გვქონდა აღებული, მაგრამ გვერჩივნა იქვე ცენტრში გვეტრიალა და თან ყავაც დაგველია სადმე.   და რა თქმა უნდა დუბაი მოლში შეგვევლო და ცოტაც გვეშოპინგა :დ :დ ფულს უკან ხომ არ წამოვიღებდი :დ

ამის შემდეგ ვეწვიეთ ბურჯ ხალიფას და ეს შთაბეჭდილებები თქვენ უკვე ნახეთ წინა პოსტში. ხალიფადან დაახლოებით 5–ის ნახევარზე ჩამოვედით, იქვე დუბაი მოლის გარე კაფეში ვივახშმეთ და წავდით მეტროთი დუბაის მეორე ბოლოსკენ – ატლანტისში

ატლანტისი არის ის ხელოვნურად შექმნილი პალმის ფორმის კუნძულების დასასრული, სადაც უდიდესი სასტუმრო დგას ამავე სახელწლოდების და არის აკვალენდი და აკვარიუმები, ასევე შოპინგ ცენტრი ტურისტებისათვის. მეტროდან ამოვედით გაჩერებაზე რომელსაც “დუბაი მარინა” ჰქვია და ასევე არის ცათამბრჯენებით სავსე ულამაზესი ადგილი

იქედან მხოლოდ ტაქსით თუ მიხვიდოდი ატლანტისთან. როდესაც ამ საოცარ კუნძულებზე მგზავრობ ან ფეხით დადიხარ, საერთოდ არ გაქვს ის შეგრძნება რომ ის კუნძულია და მით უმეტეს რომ ხელოვნურად, ადამიანის მიერ შექმნილი კუნძულია. იმდენად კარგად დასახლებულია და გზებიც ისე კარგად არის გაყვანილი თითქოს ჩვეულებრივი კონტინენტური ხმელეთი იყოს

ატლანტისში ძალიან ვისიამოვნეთ ღამის ნაპირით, ტურისტები ყველგან ბუზებივით არ ირეოდნენ, რაც ძალიან გამიკვირდა სიმართლე გითხრათ. ამიტომ მშვიდ გარემოში, ზღვის პირას გავატარეთ საღამო, ფოტოებიც გადავიღეთ და სეირნობით და ლამაზი ადგილების ნახვითაც დავტკბით.

მოგვიანებით შევედით ატლანტისის წყალქვეშა სამყაროში, მაგრამ დიდად თვალიერების თავი აღარ გვქონდა, ძალიან დაღლილები ვიყავით. ერთადერთი რაც რა თქმა უნდა არასოდეს მღლის არის შოპინგი და ამიტომ ბრენდ მაღაზიებში შევიარეთ, სადაც მამაკაცებისთვის პორშეს ძალიან მაგარი ფეხსაცმელი და ჩანთა ვნახეთ, მაგრამ იმხელა ფასები ღირდა რომ მაგდენი სულ მქონდა მგონი წაღებული  და ქალთა განყოფილებაში ვნახე Frankie Morello-ს პიჯაკი, შავი ოქროსფერში, სთადებით, მაგრამ არა ძალიან აგრესიული – რომელიც ძალიან მომეწონა, მაგრამ რამდენიმე ათასი დირჰამი ღირდა. 2012 წლის შემოდგომის კოლექციიდან იყო 🙂

მერე სტარბაქსს ვეწვიეთ და დავბრუნდით სასტუმროში.

სასტუმროში მისვლამდე ახალი სამგზავრო ჩანთის ყიდვა მოგვიწია რადგან იმ ჩანთაში აღარ გვეტეოდა, ვიყიდეთ ჩანთა გადავალაგე ყველაფერი, გამოვიცვალეთ ტანსაცმელი და სულ ცოტა ხანში ტრანსფერიც მოვიდა და წაგვიყვანა აეროპორტში.

 

 

 

 

Comments

comments