16-19 აპრილი, ვარდების მოედანი, 4 დღიანი თბილისის მოდის კვირეული საკმაოდ საინტერესოდ და წარმატებით დასრულდა.
მართალია ჩემი ახალშობილი გოგოშკას გამო ყველა ჩვენებას ვერ დავესწარი, მაგრამ ყოველ დღე მინიმუმ 2 ჩვენებას მაინც ვესწრებოდი და შევეცდები გაგაცნოთ ყველა მათგანი.
ჯერ დავიწყებ სტუმრების სთრით სტაილ სურათებით და შემდეგ პოსტებში გადავალ კოლექციებზე. სურათებისთვის მადლობას ვუხდი angel.ge-ს, ელენე გოგელიას და მაია ტოჩილაშვილს.
დღე 1
დღე 2
თბილისის მოდის კვირეულის მეხუთე დღე იყო ყვლაზე დატვირთული სანახაობრივად, ჯერ ნიუქამერები ვარდების ბაღში და მერე ავთანდილის შოუ რიტუალების სასახლის ბაღში – რომლებსაც ვერ დავესწარი სამსახურის გამო.
საღამოს უკვე რამაზო რომა, არადა თეოს ჩვენებაზე მოვედი და რამაზოს ჩვენებამ 1 საათით დაიგვიანა და მომიწია მასზე დასწრებაც, თუმცა საერთოდ არ ვგეგმავდი და ვიკა წამოვიყვანე იმ იმედით, რომ მხოლოდ 1 ჩვენებაზე დასწრება არ მობეზრდებოდა.
თუმცა ჩემდა გასაკვირად, ამ გარემომ თვით ყველაზე მოუსვენარი გოგონაც კი მოხიბლა და გასუსული და პოდიუმთან ჩასკუპებული უდიდესი ინტერესით უყურებდა გოგონების გამოსვლას.
ეს იყო დღე, როცა ძალიან დიდი სიურპრიზი მელოდა თურმე. Continue reading
დიანა ქვარიანი – ეს სახელი არც ისე დიდი ხანია რაც გაჩნდა ქართულ ბაზარზე და არც ისე დიდი ხანია რაც გაისმა ქართველ მოდის მიმდევართა რიგებში, მაგრამ მიუხედავად ამ მცირე ხნისა – საკმაოდ დიდი პოპულარობა და სიყვარული მოიპოვა ქართველი მომხმარებლის.
დიანა ქვარიანის ულამაზესი და ძალიან კომფორტული მაღაზია სალონი ალბათ ბევრს გექნებათ ნანახი, სადაც ასევე უზადო წესრიგით არის განთავსებული დიანას ულამაზესი ქმნილებები. ფერადი და ლამაზ პრინტებიანი სამოსი.
თბილისის მოდის კვირეულზე ეს პირველი ჩვენება იყო დიანასთვის და ვთვლი რომ საკმაოდ კარგად ჩაიარა.
დიანამ თავისი ლამაზი კოლექცია კონსერვატორიის ფოიეში წარმოადგინა, სპეციალურად მოწყობილი დეკორაციების ფონზე, ხოლო კოლექციას შტრიხად გასდევდა George JB-ს ქუდები.
06.05.2014
ეს უკვე მეორე ჩვენება იყო გოლასთვის დალოოდ ჯგუფის ფარგლებში. ვთვლი რომ ეს კოლაბორაცია ძალიან წარმატებული აღმოჩნდა, გოლას წინა კოლექცია სრულ დეფიციტში აღმოჩნდა ძალიან მალევე ჩვენებიდან. გოლას სამოსი ძალიან წარმატებით იყიდება რუსეთშიც. თანაც მინდა შეგახსენოთ, რომ გოლა თვითნასწავლი დიზაინერია.
მე პირადად ძალიან დიდ პატივს ვცემ ამ ადამიანს და უდიდეს წარმატებებს ვუსურვებ.
შემოდგომა/ზამთრის კოლექციაც ისევე მოიწონა პუბლიკამ როგორც წინა კოლექცია. გოლას ყველა იცნობს როგორც უზომოდ შრომისმოყვარე, ნიჭიერ და ძალიან გაბედულ დიზაინერს და დიდ წარმატებებს უწინასწარმეტყველებენ მას. Continue reading
