Polka Dot 2014 წლის გაზაფხული – ზაფხულის სეზონზე ისევ აქტუალური გახდა.
არსებობს რამდენიმე კოპლებიანი ნივთი რომელთაგან ერთ ერთი მაინც უნდა გქონდეთ 2014 წლის გაზაფხული/ზაფხულის სეზონზე გარდერობში.
მე პირადად აღმოვაჩინე რომ არც ერთი ნივთი ამ წუთას აღარ მომეპოვება, არადა 2011 წელს კოპლებიანი ბუმის დროს იტალიაში უამრავი რამე შევიძინე მახსოვს, ფეხსაცმელიც კი.
მოკლედ წელს არ ვიცი, ვნახოთ – ან თმის აქსესუარზე ან ქვედაბოლოზე შევაჩერებ არჩევანს.
1. კოპლებიანი თმის აქსესუარი ან აბადოკი
50–იანები ერთ ერთი ყველაზე საინტერესო ათწლეულია მოდის ისტორიაში.
ქალის სამოსის ხაზები მაქსიმალურად უახლოვდება სხეულს და ხაზს უსვამს ქალის ტანის ყველაზე მნიშვნელოვან და ლამაზ ნაწილებს: მკერდს, წელს და თეძოს. Haute couture-ის ქმნილებებისგან განსხვავებით ყოველდღიური ე.წ. ქეჟუალ სამოსი უფრო და უფრო კომფორტული და მარტივი ხდება. კაბის სიგრძე მუხლიდან იწყება და წვივის კუნთამდე მერყეობს. აქტუალური ხდება პრინტები, მათ შორის კოპლები, ე.წ. პოლკადოტები და ფლორალები. მოდური და ყველაზე მეტად გამოყენებადი ფერებია შავ-თეთრი და პასტელური. Continue reading