Elie Saab კიდევ ერთხელ გვაკვირვებს.
ამჯერად ეს არ არის “ოტ კუტურ” კოლექცია, ეს არის ყოველდღიური და საღამოს სამოსი, რომელსაც საოცრად მომხიბლავს და განსხვავებულს ხდის ელი სააბისთვის დამახასიათებელი ხელწერა: შარმი, დახვეწილობა, ელეგანტურობა და რაც მთავარია ხარისხი – უზადო ნაკეთობა!
საოცნებო სამოსია ჩემი მოკრძალებული აზრით . . . ჯერ მარტო ფეხსაცმელმა დამატყვევა პირველივე სურათზე <3
აღარაფერს ვამბობ არაჩვეულებრივ ჩანთებსა და ლაბადებზე. ისიამოვნეთ თითოეული ქმნილებით . . .
დედამიწაზე არ არსებობს ივენთი უფრო დახვეწილი, უფრო საინტერესო და უფრო ლამაზი ვიდრე Haute Couture– შოუებია.
ეს არის მართლა გენიალური იდეების და გენიალური ქმნილებების გამოფენა, ღონისძიება რომელსაც ცხოვრებაში ერთხელ მაინც უნდა დაესწრო. აი მართლა საოცნებოა ჩემთვის მანდ მოხვედრა.
სასწაულები ხდება და ოცნებებიც ხდება ხოლმე და რა ვიცი იქნებ ერთ დღესაც ….
მანამდე კი Stéphane Rolland Haute Couture spring 2014 collection.
ჩვენება სტეფანის მუზამ, ესპანელმა მოდელმა Nieves Alvarez -მა გახსნა, რომელიც საკმაოდ ვეტერანი მოდელია, მაგრამ სტეფანის ერთ ერთ ფავორიტად ითვლება.
ვიდრე ამ ჩვენებაზე გადავიდოდე, კიდევ ერთხელ გავუსვამ ხაზს იმ ფაქტს რომ ვაღმერთებ ამ ადამიანს და მის ნიჭს და აქვე დაგილინკავთ მის წინა Haute Couture კოლექციას .
2014 წლის კოლექციაც გამოირჩევა ფერების შედარებით მცირე არჩევანით, ასიმეტრიული ლეერებით, ულამაზესი და ძალიან საინტერესო აქსესუარებით. მაგრამ განსაკუთრებით უნდა ავღნიშნო კოლექციაში გამოყენებული ყვითელი ფერი – საოცრება, ულამაზესი და განუმეორებელი. შეყვარებული ვარ ამ კოლექციაზე ყურებამდე …
